Најдобриот македонски тенисер Томислав Јотовски избори пласман во полуфиналето на фјучрсот во Тунис откако денеска го победи Чилеанецот Рикардо Уруза-Ривера со 2:0 во сетови.
И двата сета Јотовски ги доби со 6:4 во гемови со што му се реваншираше на Ируза-Ривера за поразот во јуниорска конкуренција во 2007 година.
Со оваа победа македонскиот дејвис куп репрезентативец ги надмина проблемите со кои се соочува топлото време и повредата на раката која ја доби за време на настапот во Дејвис купот.
Јотовски во полуфиналето утре ќе игра против победникот од мечот Моез Ечаруги (Тунис) и Хишам Кадари (Мароко).