Младата фудбалска сензација Ламине Јамал гостуваше во програмата Ел Хормингуеро во живо, каде откри многу интересни работи за неговиот живот, и колку се му се променил по освојувањето на титулата европски првак.
Јамал (17) блесна на ЕП и ја предводеше својата Шпанија до шампионската титула. Сепак, кариерата е уште пред него, а пред ТВ камерите во програма во живо вети дека засекогаш ќе остане во Барселона, што секако е неблагодарна работа да се предвидува на самиот почеток на неговата кариера.
🗣️"Nunca me voy a ir del Barça porque quiero ser una leyenda. Que te comparen con el mejor de la historia es algo increíble, pero quiero que la gente me recuerde por ser Lamine Yamal" ha declarado al ser comparado con Messi.
🤔¿Qué opinas al respecto?
📎https://t.co/DxaN6k5kx7 pic.twitter.com/n56qhaDjoy
— Diario AS (@diarioas) September 12, 2024
„Никогаш нема да ја напуштам Барселона бидејќи сакам да станам легенда на клубот. Споредбата со најдобриот во историјата Лионел Меси е неверојатна, но сакам луѓето да ме паметат како Ламине Јамал“, изјави младиот фудбалер и откри што друго што му се допаѓа во каталонскиот клуб:
„Во клуб како Барселона те учат за животот. Имаме психолози и тие ме подготвуваат за живот“, додава Јамал.
Младата ѕвезда на Барселона откри и како шпанската репрезентација го прославила европскиот трон.
„Сите заедно славевме, вклучувајќи ги и нашите семејства и пријателите. Најмногу ме воодушевија Унаи Симон и Алваро Мората, бидејќи мислев дека се сериозни луѓе. Најтешко ми беше што требаше да се разбудам во 9 часот следниот ден. Делував пијано“, додаде Јамал.