Фудбалската репрезентација на Италија во Скопје ќе допатува со нов селектор. Ова откако Роберто Манчини малку и изненадувачки поднесе неотповиклива оставка на селекторската функција.
Манчини беше изложен на многу критики за играта и за резултатите на “аѕурите”, не успеа да ја одведе Италија на Светското првенство по елиминацијата од Македонија, а и во тековните квалификации за ЕВРО 2024 загуби од Англија.
Засега нема детално образложение за оставката од Манчини. Тој имаше уште десет месеци од актуелниот договор со ФИГЦ.