Македонската фудбалска репрезентација денеска од 15 часот на „Реинпарк“ стадионот во Вадуц ќе го започне новиот квалификациски циклус за Светското првенство 2026. Противник е селекцијата на Лихтенштајн, против која имаме убедлив биланс – 10 победи во 11 меѓусебни дуели.
Македонските фудбалери ќе им оддадат почит на настраданите во огромната трагедија во Кочани, со посебно дизајнирани маици во црна боја.
Во спомен на загинатите, и со желби повредените побрзо да оздрават, се очекува да мине денешниот фудбалски натпревар меѓу Лихтенштајн и Македонија во Вадуц.