Видео технологија (ВАР), која на судиите им помага во решавањето на спорните моменти на натпреварите е иднината на фудбалот, изјави претседателот на ФИФА, Џани Инфантино.
„ВАР“ дури пет пати беше користен во досегашниот дел од Купот на Конфедерациите во Русија и многу ги промени првичните одлуки на судиите. Прво и беше пништен гол на Португалија поради офсајд на средбата со Мексико, од истата причина и Чилеанците останаа без погодок против Камерун, на Австралија и беше признат гол против Германија, откако Томи Јуриќ играше со рака, но беше оценето дека немал намера.
Претседателот на ФИФА Инфантино е задоволни од новиот проект, истакнувајќи дека светската организација го прави тоа што го сакаат љубителите на фудбалот.
– Ова е иднината на модерниот фудбал, јас сум импресиониран. Ова е голем чекор напред во развојот на играта, а Купот на Конфедерациите ни служи да се донесе видео технологија до совршенство, рече Инфантино.
За сега не е официјално потврдено дали „ВАР“ ќе се користи на Светското првенство во Русија следната година, иако Инфантино најави такво нешто.