„Хјундаи“ објави први официјални фотографии и податоци за новата генерација на моделот и20, што ќе биде премиерно претставен на Саемот во Париз.
Новата генерација на „Хјундаи и20“ е дизјанирана и произведена во Европа, а јужнокорејската компанија нагласува дека новиот модел е поставен на нова платформа и е опремен со модерна технологија.
Во основна опрема „Хјундаи и20“ ќе биде опремен со камера за паркирање, како и предни и задни ЛЕД светла.
Дизајнот на новата генерација на и20 е роден во европскиот центар на „Хјундаи“ во Риселсхаим, Германија.
Премиерата на новата генерација и20 е закажана за 2 октомври на Саемот на автомобили во Париз.