Утре почнува завршниот Мастерс турнир на сезоната во Лондон, а вчера учесниците на турнирот имаа можност да разговараат со новинарите и да позираат пред камерите.
Пред почетокот на свеченоста беше организирано и официјално фотографирање на теренот, на кое осумте учесници на турнирот се појавија во костуми.
Тие за оваа година ја искористија шансата да го овековечат овој момент, па Томаш Бердих реши да направи селфи.
Први на теренот во недела ќе излезат Кеи Нишикори и Енди Мареј, а потоа следува дуелот помеѓу Рожер Федерер и Милош Раониќ.