Репрезентацијата на Грција ослабена ќе настапи на претстојното Светско првенство во кошарка што ќе се игра во Шпанија (30. август – 14. септември).
Селекторот на Грција, Фоцис Кациракис, го објави списокот од 16 играчи на кои ќе смета за Мундобаскетот, а на него го нема првиот играч на Олимпијакос и на репрезентацијата Василис Спанулис, кој побара одмор по напорната сезона.
Покрај Спанулис ќе недостасуваат уште и Стратос Перпероглу и Софоклис Скорцанитис.
Грција се наоѓа во Б групата што ќе се игра во Севиља заедно со репрезентациите на Аргентина, Хрватска, Порторико, Сенегал и Филипини.