Македонската тенисерка Лина Ѓорческа на последната промена на ВТА листата со скок од 21. место го бележи најдобриот ранг во својата кариера во сингл конкуренција. Таа сега се наоѓа на 420. место со 83 поени.
Напредокот на Македонката од 21 место се должи на пласманот во финалето на фјучрсот во Прокупље (минатата недела), каде освои 7 поени.
Во конкуренција на двојки Ѓорческа се наоѓа на 430. место.
Што се однесува до врвот на ВТА листата нема промени во ТОП 10 и редоследот е следен: Серена Вилијамс, На Ли, Симона Халеп, Петра Квитова, Агнешка Радванска, Марија Шарапова, Ежени Бушар, Анжелик Кербер, Јелена Јанковиќ и Викторија Азаренка.