Македонската тенисерка Лина Ѓорческа успеа да се пласира во полуфиналето на фјучрсот во Анталија. Нејзината противничка Јана Тишченко (Молдавија) го предаде мечот по 49 минути игра при резултат 6:3 и 3:0 за Ѓорческа.
Ѓорческа која е прва носителка на турнирот во полуфиналето ќе игра со подобарата од дуелот меѓу Ксу Лиу Сун од Кина (3.носителка) и Лиса Матвиенко од Германија (8.носител).
Во конкуренција на двојки Ѓорческа денеска заедно со Ива Приморац од Хрватска ќе играат против Морган Михелс и Елиеса Ванлангендонк (двете од Белгија).