Македонската тенисерка Лина Ѓорческа успеа да се пласира во главниот турнир на фјучрсот во Добрич, Бугарија (награден фонд 25.000 долари).
Таа денеска ја победи Каролин Даниелс од Германија со 2:0 во сетови (6:4 и 6:3), а вчера во првиот меч од квалификациите беше подобра од Габриела Дука од Романија (6:0 и 6:2). Во денешниот меч двете тенисерки има проблем со сервисот, па така од 19 одиграни гема имаше 14 брејка, а скорот беше 8:6 за Ѓорческа.
Со оваа победа Ѓорческа ќе освои еден поен, а секако ова е само продолжување на добрите игри од фјучрсот во Софија каде беше четвртфиналистка, а победи во игра на двојки.
За очекување е нашата тенисерка и на овој фјучрс да настапи во двојки.
Инаку, на новата ВТА ранг листа објавена денес Ѓорческа има пад од шест места и се наоѓа на 432.место додека во двојки е рангирана како 411.та.
Но, на следното рангирање ќе и бидат впишани бодовите од турнирот во Софија кога ќе треба да направи скок, аможно е да ја мине и границата од 400-то место и да има најдобар ранг во кариерата во двете конкуренции.