Најдобрата македонска тенисерка Лина Ѓорческа за 11 места го подобри својот пласман на најновата ВТА ранг листа. Таа со новите седум бодови има вкупно 120 и се наоѓа на 327. место.
Овој пласман на Ѓорческа е само за една позиција послаб од нејзиниот најдобар забележан во септември.
Во конкуренција на двојки македонската тенисерка е уште повисоко пласирана. Со 225 поени се наоѓа на 268. место. Во двојки најдобро пласирана била на 255 место.
Од македонските тенисерки пласман во двојки на 1.084 место има и Магдалена Стоилковска.