Македонските тенисерки денеска имаа половичен успех на мечевите во сингл и во двојки. Лина Ѓорческа победи во сингл , а загуби во двојки, додека магдалена Стоилковска загуби во сингл, а победи во двојки.
На турнирот во Варна, Ѓорческа во 1.коло ја совлада Јулија Терзијска со 7:5 и 6:4 во гемови. Во двојки со Олга Дорошина од Украина беа први носителки и загубија од Јонеску (Романија), Перпер (Молдавија) со 7:6 (8:6) и 6:3.
Магдалена Стоилковска на турнирот во Бол, во сингл во 2.коло загуби од третата носителка Тена Лукас од Хрватска со 6:4 и 6:0, а потоа во двојки во четвртфиналето ги победија Каминкова и Роханова од Чешка со 6:4 во двата сета и утре ќе игра во полуфиналето.