Лина Ѓорческа најдобрата македонска тенисерка обезбеди пласман во полуфиналето на фјучрс-турнирот во Прокупље.
Ѓорческа меѓу четирите најдобри на овој турнир кој се игра за награден фонд од 10.000 американски долари, се пласира со победата над Ленка Винерова од Словачка.
Таа ги доби двата сета убедливо, препуштајќи и на противничката по два гема со секој сет (6:2 и 6:2).
Во полуфиналето Ѓорческа ќе игра против четвртата носителка на турнирот, Габриела Пантуцкова од Чешка која е 621-место на ВТА листата.
Ѓорческа со својата партнерка Александра Нанкаров од Австралика ќе игра и во финале во двојки, каде за противнички ќе ги имаат Украинките Фридман и Ианчук.