Најдобриот тенисер на светот за 2014, Новак Ѓоковиќ нема да го одигра финалниот натпревар на егзибицискиот турнир во Абу Даби.
Србинот на неполни два часа пред почетокот на финалниот натпревар против Шкотланѓанецот Енди Мареј, поради настинка, односно зголемена телесна температура, беше принуден да го откаже својот настап.
Инаку Ѓоковиќ, кој трофејот во Абу Даби го има освоено трипати досега (2011, 2012 и 2013 година), не сакаше ништо да ризикува, особено што за две седмици претстои првиот Гренд слем сезонава „Австралија опен’’, кој ќе се игра од 19 јануари до 1 февруари во Мелбурн, а на кој Ѓоковиќ ќе се обиде да го симне од тронот бранителот на титулата од лани Станислас Вавринка.