Најдобриот светски тенисер Новак Ѓоковиќ без поголеми проблеми постигна победа во мечот од 3.коло на Мастерсот во Мајами.
Тој синоќа беше подобар од Стив Дарсис со 2:0 (6:0 и 7:5) во сетови. Негов следен ривал ќе биде Александар Долгополов, кој со истиот резултат го победи Томас Белучи.
Кај мажите пласман во следното коло обезбедија: Кеи Нишикори, Давид Гофин, Милош Раониќ, Давид Ферер, Жил Симон и Џон Изнер.
Кај жените победничката од претходниот Мастерс во Индијан Велс Симона Халеп ја совлада Флавија Панета со 2:0 во сетови.
Турнирот заврши за Каролине Возниацки, која загуби со 2:0 од Венус Вилијамс, додека пласман во четвртфиналето обезбедија уште Серена Вилијамс, Карла Суарез Наварао, Каролина Плишкова, Андреа Петковиќ, Сабине Лисицки и Слоу Стивенс.