Првиот светски тенисер Новак Ѓоковиќ се пласира во полуфиналето на Вимблдон со победата над хрватот Марин Чилиќ со 3: 0 во сетови (6:4, 6:4 и 6:4). За Србинот ова ќе биде 27 гранслам полуфинале во кариерата.
Францускиот тенисер Ришар Гаске своето место во полуфиналето го обезбеди после маратонскиот меч против Швајцарецот Вавринка победувајќи со 3:2 во сетови (6:4,4:6,3:6,6:4 и 11:9). Швајцарскиот тенисер којшто го освои Ролан Гарос беше фаворит пред мечот, имаше и водство од 2:1 во сетови, сепак на крајот не успеа да обезбеди место во полуфиналето.
Во сите досегашни мечеви помеѓу Ѓоковиќ и Гаске, Србинот не изгубил ниту еднаш.