Двајцата први носители на турнирот во Доха Новак Ѓоковиќ и Рафаел Надал се пласираа во финалето откако полуфиналните мечеви ги добија со 2:0 во сетови. Ова ќе биде нивни 47.ми меѓусебен дуел, а скорот е 23:23 во победи.
Првиот носител Новак Ѓоковиќ во полуфиналето го совлада третиот носител Томаш Бердих со 6:3 и 7:6 (7:3) во сетови и се избори за своето 16.то финале во серија. Рафаел Надал (втор носител) успеа да го победи Иља Марченко со 6:3 и 6:4 во сетови. Ова за Надал ќе биде 99.то финале и има освоено 68 пехари.
Во конкуренција двојки победија Шпанците Марк Лопез и Фелицијано Лопез, кои ги совладаа Филип Пецшнер и Александар Пеја со 6:4 и 6:3 во сетови.