Новак Ѓоковиќ, најдобриот тенисер на светот, реши да го прескокне денешниот тренинг, ден пред полуфиналната пресметка со Стефанос Циципас на Ролан Гарос.
Фактот што Новак реши да го откаже тренингот, во договор со стручниот штаб, е само потврда дека тој сè уште страда од повредата што му направи проблеми во четвртфиналето на Отвореното првенство на Франција против Пабло Карењо Буста.
Шпанецот по мечот изјави дека кога и да почне да губи, Србинот се жали на повредата.
Но се чини дека неговите сомневања биле неоправдани, бидејќи Ѓоковиќ е навистина повреден – во вратот, лактот, раката, а исто така имаше проблем и со грбот.
Откажувањето на тренингот од Новак може да се класифицира и како „време за купување“ за терапии, кои му се полесни од тренинзите, со цел подобро да се подготви за дуелот против жилавиот Грк.