Тренерот на Милан, Џенаро Гатузо, изјави дека синоќешната победа над Сасуоло (4:1) во натпреварот од 7. круг од првенството во Италија ќе му помогне на тимот да ја зголеми самодовербата.
– Покажавме добар фудбал. Наш проблем е тоа што противниците се бранат премногу длабоко. Победата над Сасуоло ќе му помогне на Милан да се стекне со доверба во сето она што го работиме. Јасно е дека клуб како Милан секогаш е под притисок да победува. Но, се уште ни треба време да растеме, изјави Гатузо.
Милан со девет бода се наоѓа на 10.место по седум рунди во Серија А.