Фудбалерите на Реал Мадрид по деветти пат станаа светски клупски шампиони откако во финалето на Интерконтиненталниот куп на ФИФА ја совладаа мексиканска Пачука со 3:0.
Ова е шести пат Мадрид да слави на Светското клупско првенство под покровителство на Светската фудбалска федерација (ФИФА), а претходно трипати го освојуваа Интерконтиненталниот куп.
Петнаесеткратниот европски првак поведе во Доха во 37. минута со голот на Килијан Мбапе, по асистенција на Винисиус Жуниор. Мбапе потоа во 53. минута му асистираше на Родриго за 2:0. Конечниот резултат го постави Винисиус од пенал во 84. минута.