Тенисерите на Франција ги добија првите два меча во синг конкуренција против чешките колеги во полуфиналето на Дејвис купот.
По првиот ден од полуфиналниот меч меѓу Франција и Чешка кој се игра во Париз на терените на Роланд Гарос, предноста на домаќините од 2:0 им ја донесоа Гаске и Цонга.
Во првиот меч Ришард Гаске со 3:0 по сетови 6-3, 6-2 и 6-3 го победи Томас Бердих, а победа од 3:0 по сетови 6-2, 6-2 и 6-3 забележа и Жо Вилфред Цонга во мечот против Лукас Росол.
Утре на програмата е мечот во двојки, а в недела преостанатите два сингл мечеви.
Во втората полуфинална пресметка од Дејвис купот во Женева играат Швајцарија и Италија, домашните тенисери поведоа со 1:0 во победи. Во првиот меч во поединечна конкуренција Роџер Федерер во три сета 3:0 со 7-6, 6-4 и 6-4 по сетови го доби дуелот против Симоме Болели.
Станислас Вавринка ќе игра против Фабио Фоњини.