Citroen ги најави плановите за претставување на концептот DS3 Cabrio Racing овој викенд, на Фестивалот на брзината Goodwood и Саемот на автомобили во Франкфурт.
DS3 Cabrio Racing најавува продукциски модел, а истиот ќе работи со 1,6 литарскиот THP мотор со турбополнач кој ќе испорачува 202 коњски сили.
Моделот е изработен во соработка со WRC тимот на Citroen, а е базиран на претставениот пред некое време хечбек DS3 Racing. Со неговата трансформација во отворен автомобил зголемена е масата на возилото за 25 килограми, а според стручњаците во Citroen тоа е сторено со цел обезбедување на поголема стабилност на возилото на патот.
Сеуште нема информации за динамичките индикатори на DS3 Cabrio Racing, но се очекува тие да бидат речиси слични со оние на хечбек варијантата – забрзување од 0 до 100 km/h за 6,5 секунди и максимална брзина 235 km/h.