Извршниот директор на „Ламборџини“, Стефан Винкелман, соопшти дека СУВ концептот „Урус“, што беше претставен минатата година во Кина, ќе влезе во сериско производство.
– На „Урус“ се работи напорно и се очекува успешно пробивање на пазарот, изјави Винкелман, без да открие повеќе детали.
Засега не е познато кога „Ламборџини Урус“ ќе се појави на пазарот, но се очекува тоа да биде до 2016 година. „Урус“ на Ламборџини ќе претставува втор СУВ модел на компанијата по „ЛМ002“, што се произведуваше од 1986 до 1993 година.
Концептот што беше претставен во Пекинг е долг 4,99 метри, широк 1,99 и воск 1,66 метри. „Ламборџини“ не го објави можниот избор на мотори, но познато е дека СУВ возилото ќе располага со 600 коњски сили.