Јужнокорејската компанија „Киа“ објави први официјални фотографии од новата генерација на кросоверот Спортаж, што треба да биде претставен во 2016 година.
Маската на ладилникот има нов изглед по мерка на новата генерација модели Сид, Каренес и Пиканто, додека светлата се целосно одвоени од маската и поставени на повисока позиција.
Новиот Спортаж ќе биде достапен со „ајс кјуб“ ЛЕД дневни светла, кои се поставени на предниот браник.
Освен карактеристичниот спојлер на покривот, задниот дел има нов браник, нов изглед на вратата на багажникот и современи ЛЕД стоп светла кои се помали од актуеланата верзија.
Техничките детали засега не се познати, но може да се очекуваат наскоро, бидејќи Спортаж е најавен за 2016 година и ќе има светска премиер на Саемот на автомобили во Франкфурт.