Новак Ѓоковиќ е победник на неофицијалното Светско тениско првенство, односно Гренд слем турнирот Вимблдон.
Во меч кој траеше повеќе од 4 часа Ѓоковиќ во финалето го победи Роџер Федерер со 3:2 во сетови.
Во првиот сет се водеше голема борба за на крајот Швајцарецот да го добие во тај-брејкот со 9:7 на поени. Првиот носител Ѓоковиќ ги доби вториот и третиот сет со 6:4 и 7:6(7:4 на поени) за пресврт и водство од 2:1 во сетови.
Во четвртиот сет Ѓоковиќ имаше предност од 5:2. Но, Федерер со брејк во осмиот гем се врати во игра намалувајќи на 5:4, за во следниот на својот сервис да ја спаси и првата меч топка која ја имаше Ѓоковиќ, односно Федерер го израмни резултатот на 5:5 во гемови. Тоа му даде дополнителна сигурност Швајцарецот кој направи уште еден брејк и го доби сетот со 7:5.
Во решавачкиот петти сет. Клучен беше единаесеттиот гем во кој Ѓоковиќ направи брејк на сервис на Федерер и со конечни 6:4 го совлада големиот ривал.
За Ѓоковиќ, кој по втор пат триумфира на Вимблдон, ова е 7-ми трофеј од Гренд слем турнирите, на кои единствено му недостасува титула од Роланд Гарос, а вкупно 45-ти во кариерата.
Резултатот во меѓусебните дуели на Ѓоковиќ и Федерер сега е 18:17 за Швајцарецот.
Во женското финале одиграно вчера триумфираше Петра Квитова од Чешка која со 2:0 во сетови ја победи Канаѓанката Ежини Бушар.