Фолксваген го претстави концептот Крос Купе ГТЕ на Саемот на автомобили во Детроит.
Концептот е дизајниран како најава за нов кросовер, што ќе биде понуден на пазарот во Северна Америка.
Крос Купе ГТЕ има агресивен преден дел со алуминиумска решетка на ладилникот и ЛЕД светла. Забележителна е надворешната линија на покривот, спојлерот на вратата на багажникот и големите 22 ични тркала.
Во внатрешноста се наоѓаат пет седишта со Напа кожа, додека ентериерот е декориран со црни и алуминумски детали. Инструмент таблата е дигитална, а контролите се вршат преку 10,1 инчен екран осетлив на допир.
Концептот Фолксваген Крос Купе ГТЕ има плаг-ин хибриден погон од 3,6 литарски В6 мотор и два електрични мотори, напојувани од батерија со капацитет од 14,1 киловат часа. Концептот развива вкупна моќост од 255 коњски сили. Од 0 до 100 километри на час забрзува за шест секунди, а само на електричен погон може да мине до 32 километри.
Фолксваген потврди дека серискиот модел ќе има седум седишта, како и дека производството ќе почне во Тенеси кон крајот на 2016 година.