Германската компанија Ауди имаше светска премиера на концептот Пролог Авант на Саемот на автомобили во Женева.
Концептот ја претставува новата Авант филозофија и го најавува новиот изглед на Ауди караванските модели. Концептот инспириран од Пролог има едноделна предна маска со Матрих Ласер светла и големи отвори за воздух. На задната страна се наоѓаат 3Д светла, како и спојлер поставен на вратата на багажниот простор. Ауди Пролог Авант доаѓа на 22 инчни фелни од легура.
Концептот Пролог Авант е придвижуван од плаг-ин хибриден систем составен од 3,0 литарски ТДИ мотор и електричен мотор со литиум-јонски батерии од 14,1 килоВат часа. Благодарение на 455 коњски сили Пролонг Авант од 0 до 100 километри на час забрзува за 5,1 секунда и достигнува електронски ограничена максимална брзина од 250 километри на час.
Просечната потрошувачка на гориво изнесува 1,6 литри на 100 километри, а автомобилот може да мине до 54 километри само на електричен погон. Ауди Пролог Авант има карбон-керамички сопирачки, прилагодлива суспензија и динамичен систем на контрола на сите тркала.