Под покровителство на Општина Карпош, во организација на Македонската спортска качувачка федерација, денеска, на карпошовата карпа на кејот на реката Вардар се одржа третото по ред Балканско првенство во качување на вештачка карпа. Меѓународната спортска манифестација „Атомска Мравка-2013“, која се одржува за деца до 14-годишна возраст, собра 100 млади спортисти од седум земји во регионот и пошироко.
Овој настан го обележаа најдобрите спортски качувачи од Балканот како и македонските спортски натпреварувачи кои во светски рамки котираат меѓу петте најдобри спортисти во рамките на оваа вештина.
Денешните квалификациски групи во дисциплините „во водство“ и „брзинско“ ќе одлучат кој ќе продолжи во финалниот натпревар кој ќе се одржи вечерва. Возбудувањата во овој адреналински спорт продолжуваат и утре.
