Македонските тенисери кои настапуваат на фјучрс турнирите денеска во полуфиналните мечеви во двојки имаа половичен успех.
Лина Ѓорческа во Шарм Ел Шеик се избори за финалето откако со Јулија Терзиска од Бугарија ги победија во полуфиналето Мариам Болквадзе (Грузија) и Јулија Бризгалова (Русија) со 7:5 и 6:1 во гемови.
Во финалето утре ќе играат против полските тенисерки Викторија Кулик и Каролина Силвановиц. Ѓорческа против Терзиска ќе игра и во полуфиналето во поединечна конкуренција.
За разлика од Ѓорческа, Томислав Јотовски не успеа да се пласира во финалето во двојки на фјучрсот во Врсар. Јотовски и Иван Бјелица од Србија загубија од вторите носители Александру-Даниел Карпен (Романија) и Томислав Драгања (Хрватска) со 6:3 во гемови во двата сета.