Фудбалерите ќе можат да пријават расистички испади на натпреварот, објави ФИФА како дел од борбата против дискриминацијата.
Претседателот на ФИФА, Џани Инфантино покажа како фудбалерите можат да пријават расистички испад, а тоа е да го покажат знакот „Х“ со рацете.
Расизмот би бил посебен прекршок во спортскиот дисциплински кодекс со построги санкции, вклучувајќи дури и загубен натпреварот.
Глобалниот став против расизмот беше заземен за време на годишниот конгрес на 211 членки на ФИФА во Бангкок, по неколкумесечни консултации со играчи кои претрпеле злоупотреба од противниците и навивачите.