Фиат ги здружи силите со Мицубиши за создавање на голем пикап модел што ќе се најде во понудата на италијанската компанија во Европа и Јужна Америка.
Се очекува новиот Фиат пикап да биде врз основа на Мицубиши Л200, а во продажба да се најде во 2016 година.
Серџо Маркјоне планира до 2016 година Фиат повторно да оствари профит, а еден од ретко успешните делови на компанијата Фиат Профешнл ќе биде задолжен за новиот пикап модел.
Сегментот Фиат Профешнл на годишно ниво носи заработка меѓу 200 и 300 милиони евра.
Фиат, меѓу другото, планира да ја зголеми продажбата на 600.000 единици до 2018 година, од сегашните 413.000 возила годишно.
Моментално во понудата на Фиат се наоѓа малиот пикап модел Страда, што се произведува во Бразил.