„F16X“ е кодното име под кое „Ферари“ наводно планира да ги „издаде своите принципи“ и под кое ќе го развива своето прво кросовер возило.
Како што тврди „Car magazine“, легендарната италијанска компанија веќе некое време се занимава со овој проект во својата база во Маранело, а првиот СУВ во историјата на „Ферари“ треба да се појави на пазарот во 2021 година.
Иако лидерите на компанијата неколку пати досега говореа дека „ни мртви“ не би се впуштиле во трката за кросовери, извори на списанието тврдат дека, сепак, попуштиле. Секако, тие тоа не сакаат да го признаат.
Како и да е, се шпекулира за возило изработено на платформата GTC4Lusso, а под хаубата ќе има v8 хибрид.
Додека некои тврдат дека „Ферари“ нема целосно да попушти и дека „F16X“ ќе биде „граничен случај“ меѓу „крупно спортско купе“ и кросовер, магазинот „Мото 1“ со шпекулативен рендер наведува дека Италијанците ќе пробијат уште една своја црвена линија – „F-16X“ наводно ќе има пет врати.