Кошаркарите на Фени Индустри славеа убедлива победа со 85:53 синоќа на гостувањето кај Струмица во натпревар од 7.коло на Првата македонска кошаркарска лига.
Фени до четвртата победа ја предводеа, Кирил Николовски со дабл-дабл учинок од 25 поени и 18 скокови, како и Пековиќ кој покрај 14 поени имаше и 12 скокови.
Со новите два бода кавадаречкиот клуб сега се проби на третото место на табелата, додека Струмица останува претпоследна со две победи и пет порази.
Оваа рунда во домашното првенство ќе биде комплетирана вечерва (19 часот) со натпреварот во Гевгелија каде екипата на Бест, која досега нема победа, го пречекува шампионот МЗТ Скопје Аеродром.
Претходно беа одиграни две средби од оваа рунда:
Куманово – Кожув 80:83,
Карпош Соколи – Работнички 87:64.
Табела: Карпош Соколи 13 бодови, МЗТ Скопје А 11, Фени Индустри 11, Кожув 11, Куманово 10, Работнички 10, Струмица 9 и Бест 6.