Швајцарецот Рожер Федерер со победа синоќа над Томаш Бердих го почна настапот на Мастерсот што се игра во Лондон. По сетови Федерер мечот го доби со 6:4 и 6:2.
На воведниот меч од завршниот Мастерс и од групата „Стен Смит“ Новак Ѓоковиќ го победи Кеи Нишикори со 6:1 во двата сета.
Ѓоковиќ и Федерер имаат по една победа во оваа група.
По завршувањето на мечот Ѓоковиќ – Нишикори на Ѓоковиќ му беше врачен и пехарот за најдобар тенисер во 2015 година, бидејќи е јасно дека нема шанси некој друг играч да го освои пехарот.
Денеска на вториот ден од турнирот се играат мечевите од групата „Илие Настасе“. Први попладнево ќе играат Енди Мареј и Давид Ферер, а во вечерните часови е мечот Стан Вавринка – Рафаел Надал.