Швајцарецот Рожер Федерер ја прекина серијата победи на Новак Ѓоковиќ, откако синоќа на Мастерсот во Лондон го совлада со 2:0 во сетови (7:5 и 6:2 во гемови).
Српскиот тенисер во 2015 година последниот пораз го претрпе во Синсинати исто така од Федерер, а забележа 23 победи до синоќешниот пораз.
Федерер со овој триумф обезбеди полуфинале на Мастерсот без разлика на исходот од последниот меч во групата против Кеи Нишикори.
За второто место во полуфиналето од оваа група ќе се борат останатите тројца играчи.
По двата круга, Федерер во групата „Стен Смит“ има скор 2-0 (победи-порази), Ѓоковиќ 1-1, Нишикори 1-1, Бердих 0-2.
Во 3.коло утре ќе играат:
Ѓоковиќ – Бердих и
Федерер – Нишикори.
Денеска се играат мечевите од групата „Илие Настасе“:
Енди Мареј – Рафаел Надал и
Стен Вавринка – Давид Ферер.