Тимот на „Јагуар“ за специјални возила официјално го претстави новиот „Ф-Тајп проект 7“, со 576 коњски сили, што го прави најбрзиот досега сериски модел на британската компанија.
Двосед моделот е изработен врз основа на „Д-Тајп“ дизајнот, а моќноста од 567 коњски сили доаѓа од 5.0 литарскиот В8 мотор со супер полнач.
Сериското производство е ограничено на 250 промероци, а првите испораки се очекуваат идната година. Новиот модел се разликува од серискиот „Ф-Тајп“ првенствено според опремата од карбон, што го прави полесен за 80 килограми.
Моделот ќе биде достапен во четири бои – црвена, бела, сина и зелена, а белите кругови и линии ќе може да се отстранат по желба на купувачот.
„Јагуар Ф-Тајп“ проект 7 од 0 до 100 километри на час забрзува за 3,9 секунди, а максималната брзина изнесува 300 километри на час.