Кошаркарската кадетска репрезентација на Македонија (играчи до 16 години) денеска во 16.30 часот го игра вториот натпревар од групата Г на Европското првенство Б дивизија што се игра во Струмица. Противник е селекцијата на Естонија, а со победа нашата селекција ќе го обезбеди второто место во групата и со тоа ќе разигрува за пласман од 9-12.место.
Инаку, синоќа во првиот натпревар од групата Македонија ја совлада Романија со 82:68. Покрај дуелот Македонија – Естонија во групата ќе играат и Грузија – Романија (почеток 12 часот).
На табелата Грузија е прва со 4 бодови, пред Македонија и Романија кои имаат по 3, додека Естонија е последна со 2.