Познатиот шкотски тенисер Енди Мареј вчера се венчаше со долгогодишната девојка Ким Сирс во родното место Данблејн во кругот на семејството и блиските пријатели.
Стотина претставници на медиумите имаа можност да ја забележат свадбената церемонија, која привлече големо внимание во јавноста ширум светот.
Мареј на венчавката беше облечен во сино-зелен килт, додека Сирс носела бела венчаница со вез и долг вел, кои го придржувале четири деверуши.
Свадбата целосно го блокираше шкотскиот град, а по излегувањето од црквата присутните фрлаа конфети врз брачната двојка.
Неколку верни обожаватели кампувале пред катедралата за да ги видат младоженците.