Десетина дена по освојувањето на шампионската титула во НБА лигата играчот на Сан Антонио Спарс, Ману Џинобили изјави дека ќе настапува на Светското првенство во кошарка, кое почнува на 30.август, а се игра во Шпанија.
Искусниот бек на аргентинската репрезентација се надева дека и покрај напорната сезона во НБА лигата ќе има сили да и помогне на својата репрезентација да се вброи во трката за висок пласман.
Џинобили со Аргентина освои златен медал на Олимписките игри во Атина (2004 година), бронза на Игрите во Пекинг (2008) и сребро на Светското првенство во Индијанполис (2002).