Американскиот автомобилски гигант „Џенерал Моторс“ (ГМ) денеска соопшти дека од пазарите ширум целиот свет ќе повлече околу 474.000 возила, поради утврдени дефекти.
Ова е 48 повлекување на возлила на „Џенерал Моторс“ од почетокот на годината, со кои досега беа опфарени над 20 милиони автомобили и камиони.
Досега неславниот рекорд на повлечени возила на ГМ го држеше 2004 година, кога на проверка беа „повикани“ 10,75 милиони модели.
Меѓу моделите кои се опфатени со новото повлекување се „Шевролет Силверадо“, „Џи-Ем-Си Јукон“, „Шевролет Тахо“, „Џи-Ем-Си Сиера“ и „Шевролет Сабрбан“.
Компанијата соопшти дека е утврдено оти може да дојде до блокирање на софтверот што предизвикува исфрлање од брзина на возилото.
Најголемиот дел од возилата кои ќе бидат повлечени се понудени на пазарите во САД и Канада.
Поради фабрички дефекти на моделите на ГМ последниве 10 години се предивикани голем број несреќи во кои според официјалните податоци на компанијата, загинале 13 лица. Меѓутоа, спорд адвокатите, реалната бројка на загинати е околу 100 лица.