Фудбалерот на Челси, Рис Џејмс, потпиша нов договор со клубот до 2027 година. Со ова паднаа во вода шпекулациите дека Англичанецот наредното лето ќе се пресели во Реал Мадрид.
Со новиот договор десниот бек стана најплатениот дефанзивец во историјата на Челси. Неделно Џејмс ќе заработува 250.000 фунти.
Рис Џејмс е во клубот од својата шеста година. Беше на заем во Виган, а после тоа, се врати на „Стемфорд Бриџ“ и дебитира во 2019 година за првиот тим.
Тој ја освои Лигата на шампионите со Челси во 2021 година.
Извор: МИА