Кошаркарот на Бостон, Џејлен Браун зборуваше за моментот кога сфатил дека е на ниво на играчите од НБА.
– Игравме на гости против Кливленд. Пред натпреварот, Бред Стивенс ми рече дека ќе бидам во почетниот состав. Тоа беше мојот прв старт во НБА и ми рекоа дека ќе играм против Леброн. Имав 19 години и имав добар натпревар. За малку ќе победивме. За првпат во првата петорка играв против Леброн и постигнав околу 19 поени. Тогаш сфатив дека ова е моето место, изјави 24-годишниот Браун.
Тој на 23 јуни 2016 година на НБА драфтот беше избран од Бостон селтикс.