Екипите на Реал Мадрид и на ЦСКА Москва ќе бидат домаќини на вечерашните мајсторки од четвртфиналето на кошаркарската Евролига. По одиграните четири натпревари на двата четвртфинални дуела резултатот е 2-2 во победи.
Во Москва кај ЦСКА ќе гостува Панатинаикос, а два од претходните четири натпревари на овие два тима завршија по продолжение и двете екипи остварија по една победа во дополнителните пет минути. Почетокот на натпреварот е во 18 часот.
Европскиот шампион Олимпијакос гостува кај Реал Мадрид. Почетокот на овој дуел е во 20:45 часот. Пласман на „фајнл фор“ турнирот имаат обезбедено Барселона по победата во четвртфиналето над Галатасарај и Макаби по елиминацијата на Емпорио Армани. Во полуфиналето на завшниот турнир Барселона ќе игра со победникот од дуелот Реал Мадрид – Олимпијакос, а Макаби со поуспешниот од дуелот ЦСКА Москва – Панатинаикос.
Завршниот турнир во Милано се игра на 16 и 18.мај.