Играчот на МЗТ Скопје Аеродром, Ѓорѓе Дреновац по третпат оваа сезона се најде во ТОП 5 на колото на регионалната кошаркарска АБА лига. Тој во 18.коло на гостувањето кај Игокеа освои 27 индекс поени.
Дреновац во саботата во Лакташи постигна 27 поени, четири скокови и по две освоени топки и блокади.
МВП на колото е Немања Врањеш кој вчера ја предводеше Сутјеска до значаен триумф над Партизан.
Во ТОП 5 на 18.коло од АБА лигата се:
1. Немања Врањеш (Сутјеска) 42 индексни поени,
2. Луваву Тимоте (Мега Лекс) 38,
3. Анте Жижиќ (Цибона) 36,
4. Ѓорѓе Дреновац (МЗТ Скопје Аеродром) 27 и
5. Џејкоб Пулен (Цедевита) 26.