Поранешниот освојувач на УС Опен Аргентинецот Хуан Мартин Дел Потро можно е наскоро да се врати на тениските терени. Дел Потро вчера го прослави 27.от роденден и за очекување е да направи обид да се врати во тенискиот врв.
– Тој се врати на физичката активност и наскоро ќе почне да тренира и со рекет, а можно е тоа да се случи до крајот на овој месец, изјави претседателот на Тениската федерација на Аргентина Армандо Сервоне.
Во последните неколку сезони Дел Потро имаше проблеми со повредите и поради тоа долго отсуствува од тениските натпревари. Негов најголем резултат е Грен слем титулата во 2009 година на УС Опен кога во финалето го победи Рожер Федерер.