Шпанскиот тенисер Давид Ферер го освои АТП турнирот во Куала Лумпур, кој е дел од серијата 250.
Тој во финалето го победи сонародникот Фелисијано Лопез со 2:0 во сетови (7:5 и 7:5).
Денешниот меч му донесе два јубилеја на Ферер, ова беше негово 50-то АТП финале, во кое го освои 25-от АТП трофеј во кариерата.
Во оваа сезона ова беше четврти трофеј за шпанскиот тенисер по триумфите во Доха, Акапулко и Рио де Женеиро.