Најдобриот играч на НБА клубот Мајами Хит, Леброн Џејмс изјави дека се уште не знае дали ќе остане во сегашниот или кариерата ќе ја продолжи во друг клуб.
– Сега ништо не можам да кажам околу мојата иднина поврзана со кошарката. Не знам дали ќе останам во Мајами. Само знам дека неопходен ми е одмор, а потоа ќе ја донесам одлуката, рече Џејмс и додаде дека не зависи се од него.
Тој искажа разбирање за луѓето од клубот и градот и остави простор за понатамошна соработка.
– Бевме заедно во многу работи. Поразговаравме и одлучивме да донесеме одлука корисна за двете страни, потенцира „Кралот“.
Мајами годинава во финалето од НБА плеј-офот загуби од Сан Антонио со 4-1 во победи и не успеа да ја одбрани шампионската титула.