Кошаркарите на ЦСКА Москва забележаа победа синоќа на гостувањето во Атина кај Панатинаикос со 74:55 и со вкупни 3-1 во победи ја завршија серијата во своја корист.
Првата и третата четвртина московјаните ги решија во своја полза со двоцифрена разлика (21:11 и 23:12) што се покажа како доволно за конечен триумф.
Најдобри играчи во победничкиот состав беа Нандо Де Коло со 18 и Андреј Кириленко со 13 поени и 10 скокови.
Претходно место во полуфиналето од Евролигата обезбеди Фенербахче по 3-0 против Макаби.
Вечер се играат четвртите натпревари од пресметките:
Олимпијакос – Барселона (2-1 во победи) и
Ефес – Реал Мадрид (1-2).