Кошаркарите на ЦСКА Москва го освоија третото место оваа сезона во кошаркарската Евролига откако попладнево во „малото финале“ на завршниот турнир ја победија екипата на Фенербахче со 86:80.
ЦСКА имаше висока предност на полувремето од 48:24 (+24 поени), но Фенербахче на три минути пред крајот изедначи на 77:77, но тоа беше се што успеа да направи.
Кај ЦСКА Москва Нандо Де Коло со 17 поени беше најефикасен, додека Ендрју Гудлок од Фенербахче со 24 поени беше најпрецизен на дуелот.
Финалето меѓу Реал Мадрид и Олимпијакос се игра вечерва од 20 часот.